فطور اليومال 26 كبسة الفراخ على طريقة "سفرة دايمة" على قسماوي نت

 النهاردة هنعمل مع بعض أكلة سهلة ولذيذة، وهي كبسة الفراخ على طريقة "سفرة دايمة"، ليكي ولأسرتك

أعدّها لكم: آية أشرف
النهاردة هنعمل مع بعض أكلة سهلة ولذيذة، وهي كبسة الفراخ على طريقة “سفرة دايمة”، ليكي ولأسرتك.

كبسة الفراخ
المقادير:
كيلو صدور دجاج
2 ملعقة كبيرة صلصة طماطم
3 ملعقة كبيرة بهارات الكبسة
ملعقة كبيرة زنجبيل مفروم
2 بصلة متوسطة مفرومة
3 ملعقة كبيرة زبدة
2 ملعقة صغيرة ملح
3 كوب أرز بسمتي 
مكعب مرقة دجاج
2 فص ثوم مفروم
2 ليمون جاف
3 كوب ماء
ورق لورا
ملعقة صغيرة من (فلفل أسود، حبهان مطحون، قرفة، قرنفل،كاري، زعفران)

الطريقة:
1- حطي الزبدة في حلة على النار وضيفي عليها البصل وسيبيه لحد ما يصفر وحطي عليه الثوم.

2- قطعي صدور الفراخ مكعبات كبيرة وضيفيها في الحلة وقلبيها دقيقتين، ثم ضيفي عليها كل المكونات ما عدا الأرز والماء.

3- سيبي الخليط على النار لمدة 5 دقائق يغلي مع الفراخ، واغسلي الأرز وصفّيه وحطيه على الخليط واقليهم، ثم ضيفي الميه، وسيبيه على نار متوسطة.

4- بعد 7 دقائق قلبي الكبسة وهدّي النار لحد ما الأرز يستوي، ثم قدميه.. وبالهنا والشفا.