الأرز بالبسلة واللحمة المفرومة

المقادير :

- رز آبيض
- كيس بسلة
- نص كيلو لحمة مفرومة
- بصلة صغيرة مفرومة للحمة المفرومة
- معلقة ثوم مفرومة كبيرة
- معلقة كبيرة سمنة جنة
ملح ، فلفل

للبشاميل :

- ١معلقة سمنة جنة
- ١ معلقة دقيق
- ١ مرقة دجاج
-كباية كريمة لباني
- كباية لبن
- جبنة شيدر و رومي مبشورة

الطريقة :

اول حاجة هنعمل اللحمة المفرومة… في حلة متوسطة هنحط سمنة جنة و عليها البصل و نقلب لحد ما البصل يصفر هنضيف الثوم و بعدين هنضيف اللحمة المفرومة و حبة ملح و فلفل و نقلبهم و نسيب الخليط ده لمدة ١٥ دقيقة عشان يستوي
في الوقت ده هنعمل البشاميل.. في حلة متوسطة على نار هادئة هنحط سمنة جنة و لما تسيح هنضيف الدقيق و نقلب كويس و بعدين شوية شوية نضيف اللبن و احنا بنقلب كويس جداً.. و لما بنضيف اللبن بنشيل الحلة من عالنار.. بعد كده هنضيف الكريمة و مرقة الدجاج و حبة جبنة مبشورة.. لازم البشاميل لا يكون تقيل ولا خفيف
و البسلة هنسلقها في مية دافئة عالنار لمدة ١٠ دقايق
لما كل حاجة تبقى جاهزة هنجيب حلة و نحط فيها الرز و البسلة و اللحمة المفرومة و معلقتين بشاميل و نقلب الخليط ده
و في بولات فخار صغيرة هنحط الخليط و نغطيه بالبشاميل و نرش عليه جبنة مبشورة و نحط البولات في الفرن لمدة ١٠ دقايق عشان تاخد وش و نقدمها