شابة (20 عاما): أنا ضائعة والسنين تمر دون أن أتعلم فكيف أتخذ قراراتي؟

انا شابة عمري 20 سنة من لما خلصت مدرسة قبل سنتين وانا قاعدة لا شغلة ولا عمله ولا حتى بطلع من الدار مع اني مش منطوية على نفسي، كل النهار بالبيت شطف ومسح وغسيل وبساعد امي بكلشي بس انا ما بلاقي الي وقت. كل ما افكر اتعلم اشي بغير رأيي مع اني كتير كنت شاطرة بالمدرسة، بس مش عارفة اخد قرار والتزم فيه... كل ما ابلش اتعلم اشي شهر شهرين بغير رأيي وبقول لا مش هاد الموضوع، وصرلي ع هاي الحالة سنتين والتالتة ع الطريق وانا محلي مع انو اغلب ولاد وبنات صفي بتعلمو ومبصوطين. اهلي ما عندهن معارضة باني اتعلم بس المشكلة اني مش عارفة شو بدي ومش عارفة اخد قرار والتزم فيه، انو بقول ع القليلة لقب أول مش مهم بشوووو المهم اخدج شهادة وبعدين بشوف كيف بتمشي الدنيا، بس حتى هاي مش عارفة اعملها، بليز ساعدوني.