رجل: زوجتي تسافر كثيرًا في سياق عملها وتتركني مع الأطفال

الرسالة كالتالي:
قبل ما نتزوج فهمتني انو طبيعة شغلها صعبة وانها كتير بتسافر. قبل ما يصير عنا ولاد كنت أتحمل، بس اليوم وبعد ما صار عنا ولدين صغار، بطلت أتحمل. كل شهر والتاني بتطلع برا البلد كم يوم وبترجع. مش مشكلتي معها انها هي بتسافر وبتحقق ذاتها وطموحاتها بالغشل، ولا المشكلة اني امسك أنا الولاد، بس مشكلتي انو الولاد وانا بحاجتها، بحاجة لحبها وحنانها. صح هي لم تكون هون بتقصرش بس والله صعبة تضل تسافر، ولما احاول افتح معها موضوع تلاقي شغل تاني، بتزعل وبتذكرني اني وافقت ع هاد الاشي قبل الخطوبة حتى. مش كاينة تفهم انو الظروف والحياة تغيرت.