بالفيديو.. كيكة بصوص الشيكولاتة

مقادير كريمة الباستري:
2 ملعقة كبيرة زبدة
كوب كريمة مخفوقة
ملعقة صغيرة فانيليا
2 ملعقة كبيرة نشا
ملعقة صغيرة ملح
كيكة أسفنجية
½ كوب سكر
كوب لبن
3 بيضة

مقادير صوص الشيكولاتة:
½ كيلو شيكولاتة خام مقطعة قطع صغيرة
ملعقة صغيرة زبدة
½ كوب كريمة

الطريقة:
1- لعمل كريمة الباستري: اخلطي البيض مع النشا والسكر لحد ما يبقوا متجانسين وسيبيهم على جنب.

2- دوّبي الزبدة في اللبن والكريمة على النار واغليهم على النار، بعد كده ضيفي عليه خليط البيض وسيبيه على النار لمدة دقيقتين مع التقليب، بعد كده صفيها علشان مايبقاش فيه بواقي بيض صحيحة، وبعدين ضيفي على الخليط فانيليا وملح واخلطيهم لحد ما يبقوا متجانسين، وغطي الخلطة كويس واركنيها لمدة ساعة أو اتنين.

3- لعمل صوص الشيكولاتة: دوّبي الزبدة في الكريمة على النار، وبعد كده ضيفيهم للشيكولاتة واخلطيهم مع بعض لحد ما يبقوا متجانسين.

4- اقسمي الكيكة الأسفنجية من النصف واحشيها بكريمة الباستري، وبعد كده غطيها بصوص الشيكولاتة وبالهنا والشفا.