فراخ محشية وكب كيك الجزر في عزومة 2 رمضان

السوبيا المقادير: ½ كوب بودرة سوبيا 4 ملعقة كبيرة جوز هند ½ كوب سكر 4 كوب لبن 2 كوب ميه الطريقة: حُطّي المكونات كلها في الخلاط واضربيها لحد ما السكر يدوب، وبعدين حُطّي العصير في التلاجة، وقدّميه بارد على الفطار.

سلطة البرغل سلطة البرغل سلطة البرغل المقادير: كوب برغل خشن 2 ثمرة فلفل أحمر مقطّعة قطع صغيرة جدا 2 ملعقة صغيرة صلصة طماطم حزمة بقدونس مفرومة ناعم 4 ملعقة كبيرة زيت زيتون بصلة صغيرة مفرومة ناعم ½ كوب حمص مسلوق ملح وكمون الطريقة

: 1- سخّني زيت الزيتون على النار، وبعد كده ضيفي عليه صلصة الطماطم وقلّبيها كويس على النار لغاية ما تدوب، وبعد كده ضيفي عليها البرغل، وقلّبيهم مع بعض على النار، وتبّليه بالملح والكمون وبعد كده ضيفي كمية مناسبة من الميه، بحيث تغطّي البرغل.

2- سيبي البرغل على نار هادية لمدة 10 دقايق، أو لغاية ما البرغل يستوي، وبعد كده ارفعيه من على النار وسيبيه يبرد، وبعد كده ضيفي عليه باقي المكونات، وضيفي ملح لو حاسة إن الطعم محتاج، وقلّبيهم كويس مع بعض، وقدّمي السلطة. شوربة البصل بالطريقة الفرنسية شوربة البصل بالطريقة الفرنسية شوربة البصل بالطريقة الفرنسية المقادير: 3 كوب شوربة لحمة أو فراخ 2 ثمرة بصل كبيرة مقطّعة

3 ملعقة كبيرة كريمة طبخ ملعقة كبيرة زيت زيتون ملعقة صغيرة بهارات 2 ملعقة كبيرة زبدة ملعقة كبيرة دقيق 2 فص توم مفروم ملح وفلفل الطريقة:

1- حطّي الزبدة وزيت الزيتون في حلة تيفال متوسّطة، وحطي عليهم البصل والتوم وشوّحيهم لحد ما يِدبلوا ولونهم يبقى دهبي، وضيفي الشوربة وقلّبيهم 3 دقايق على نار متوسطة.

2- ضيفي الكريمة وقلّبيها مع الشوربة لمدة دقيقتين، بعد كده ضيفي الدقيق وقلبيهم كويس جدا لحد ما يبقى المزيج متجانس، وبعد كده ارفعيه من على النار.

3- اضربي الخليط ده في الخلاط لمدة 3 دقايق لحد ما يبقى متجانس جدا، ومايبقاش فيه أي أثر لقِطع البصل، وبعدها رجّعيه على النار مرة تانية، وضيفي الملح والفلفل والبهارات، وقلّبيه لحد ما يغلي واطفيه، وقدّميه مع توست محمّص.. وبالهنا والشفا. فراخ محشية بالخضار واللحمة المفرومة فراخ محشية بالخضار واللحمة المفرومة فراخ محشية بالخضار واللحمة المفرومة

المقادير: كوب أرز بلدي فرخة مخلية ومقطّعة أربع أجزاء 1/8 كيلو لحمة مفرومة ¼ كوب زيت زيتون ملعقة صغيرة صنوبر 3 فص ثوم مفروم ½ كيلو بسلة بصلة مفرومة ملح وفلفل بهارات الطريقة: 1- دقّي الفراخ كويس علشان تفرديها، وبعد كده شوّحيها في زيت الزيتون على النار، لغاية ما الفراخ تبقى نصف سوى.

2- اخلطي اللحمة المفرومة مع البصل والثوم، وحطّيها على النار وقلّبيها كويس، وأول ما تبدأ تنزّل الميه اللي فيها، تبّليها بالملح والفلفل وضيفي عليها الصنوبر، وسيبيها على نار هادية لغاية ما اللحمة تستوي، وبعد كده ضيفي عليها البسلة.

3- حطّي الأرز في حلة على النار وقلّبيه شوية لغاية ما يسخن، وبعد كده ضيفي عليه خليط اللحمة والبسلة، وبعد كده ضيفي عليه كمية من الميه بحيث تغطّي اخليط، وسيبيهم يغلوا شوية مع بعض، وبعد كده قللي درجة الحرارة، وسيبيهم على النار لغاية ما الأرز يستوي.

4- سيبي الأرز لغاية ما يبرد، وبعد كده هاتي قطع الفراخ واحشيها كل قطعة بكمية مناسبة من خليط الأرز والبسلة واللحمة المفرومة.

5- لفّي الفراخ على الأرز بشكل أسطواني، وبعد كده لفّي على كل قطعة ورق فويل واقفليه كويس علشان الفراخ تتماسك.

6- رصّي قطع الفراخ في صينية ودخّليها في فرن ساخن لمدة ربع ساعة، وبعد كده طلّعيها وشيلي منها الورق الفويل، وبعد كده دخّلي الفراخ مرة تانية في الفرن لغاية ما تتحمر، وبعد كده طلّعيها ورصّيها في أطباق التقديم. كب كيك بالجزر كب كيك بالجزر كب كيك بالجزر المقادير: كوب دقيق كوب سكر 1و½ كوب جزر مبشور ملعقة صغيرة بيكينج باودر ملعقة صغيرة بيكينج صودا ملعقة صغيرة قرفة مطحونة ½ ملعقة صغيرة فانيليا ½ ملعقة صغيرة قرفة ½ كوب زيت نباتي رشة ملح 2 بيضة الطريقة:

1- اخلطي الدقيق مع البيكينج باودر والبيكينج صودا والملح والقرفة.

2- اخفقي البيض مع السكر والفانيليا بالمضرب الكهربائي لغاية ما حجم البيض يتضاعف ويبقى لونه أبيض، وبعد كده ضيفي الزيت بالتدريج على شكل خيط رفيع مع الاستمرار في الخفق لغاية ما الخليط يتجانس.

3- ضيفي خليط الدقيق على خليط البيض واخفقيهم كويس مع بعض، لغاية ما الخليط يتجانس، وبعد كده ضيفي الجزر وقّلبي الخليط كويس بملعقة خشب.

4- هاتي قوالب الكيك وحطّي فيها ورق الزبدة، وبعد كده صبّي فيها الخليط، ودخّليهم في فرن ساخن لغاية ما تحسّي إن الكيكة استوت، وبعد كده طلّعيها وممكن تقدّميها باردة أو سخنة. أومليت البطاطس أومليت البطاطس للسحور.. أومليت البطاطس المقادير:

4 ثمرة بطاطس ¼ كوب بقدونس مفروم ¼ كوب زيت زيتون ½ كوب كريمة ثمرة بصل مفروم فص ثوم مفروم بهارات وكمون ملح وفلفل كاري بيضة الطريقة:

1- قشّري البطاطس وقطّعيها مكبات صغيرة، وبعد كده اسلقيها مع شوية كمون.

2- شوّحي البصل والثوم في الزيت لغاية ما يبقى لونهم دهبي، وبعد كده ضيفي عليهم مكعبات البطاطس، وقلّبيهم مع بعض في الزيت، وبعد كده ضيفي عليهم الملح والفلفل والشطة والبهارات والكاري واستمري في التقليب.

3- اضربي البيض مع شوية ملح وفلفل أسود، وضيفي عليه البقدونس والكريمة وقلّبيه كويس، وبعد كده ضيفيه على خليط الثوم والبصل.

4- غطّي الطاسة وسيبيها 10 دقايق على النار، وبعد كده حطّي الطاسة في الفرن لحد ما الوش يِحمرّ، وقدّميها على السحور لأسرتك.