.jpg)
.jpg)
17/7/2013
- بسم الله الرحمن الرحيم -
حضرة أولياء أمور الطلاب المترفعين إلى المرحلة الثانوية
السلام عليكم ورحمة الله وبركاته،
الموضوع : ترفع ابنكم/ابنتكم للمرحلة الثانوية
نحيطكم علما بأنه حسب السياسة المتبعة والمتفق عليها في إدارة البلدية ،قسم المعارف وإدارة كل من المدارس الإعدادية والثانوية في البلدة يتم ترفيع الطلاب للمرحلة الثانوية على النحو التالي:
- طلاب التواسع من إعدادية "ابن سينا" يترفعون للثانوية الجديده الشرقية .
- طلاب التواسع من إعدادية الحياة يترفعون إلى الثانوية الشاملة الغربيه .
هذا القرار في غاية الأهمية، وذلك يعود لأمرين هامين:
1. إن مصلحة الطلاب تصب في إكمال دراستهم في مدرسة قريبة من محيط
سكناهم.
2. .إن عملية توزيع الساعات والموارد تتم وفق عدد الطلاب في كل مدرسة، وعليه
ومن اجل التوزيع المتساوي بين المدرستين كان لا بد من القيام بهذه الخطوة.
نأمل التعاون بين كافة الجهات المسؤولة، بما في ذلك أولياء أمور الطلا ب خدمة
لهذا الهدف السامي النبيل
باحترام
إدارة البلدية قسم المعارف مديري المدارس أولياء أمور الطلاب
لارسال مواد واخبار لموقع قسماوي نت البريد: info@kasmawi.net
1
احسن اشي يلا كانوا بعض الناس بدهم يضحكوا علينا ويوخذونا غربة بس يلا الحمد لله امليح اللي قرروا انو كل واحد على منطقته
طالب تاسع هأ - 21/07/2013
2
خطوة مباركة الله يجزيكم الخير
اب طالبة - 21/07/2013
3
لليش قالو لنا تعالوا سجلوا غربة بالشاملة ما دام انو الاشي معروف ومتفق عليه ؟
على كل الثانوية الجديدة اقرب واحسن
من مدرسة ابن سينا التاسع هـ - 21/07/2013
4
بسألبيس للي بنا انروح فوق وهو فش تخصصات
طالب - 21/07/2013
5
حسب قانون وزارة المعارف لا يحق للبدية ولا للمدرسة الثانوية القيام بذلك ... وكل طالب له الحق بالاعتراض على هذا التوزيع ويدعمه القانون .... لا مدير ولا بلدية تستطيع أن تمنع الطالب من التسجيل بالمدرسة التي يريدها ..... بلا توزيع موارد بلا هم ..... الأموال موجودة بس وزعها يا ابو شكرى مع تقوى الله وراح تشوف إنه الموارد بتكفي
معلم مدرسة - 21/07/2013
6
مفش اي شى بمنع انو ابني يتعلم في الشاملة يا الشاملة يا ام الفحم
اب - 21/07/2013
7
انا سجلت ابني فب الشاملة الي بدو اروح اسجل هذا البيان لانو ما يقارب 80 طالب سجلوا في الشاملة يا عمى الاهل والطلاب بدهم الشاملة لانو فيها العلامة الواقية يعني مجين
القانون - 21/07/2013
8
الدعاية المسمومة اللي روجها بعض المعلمين من الشاملة انو مش تخصصات بالثانوية الجديدة لا أساس لها حاسوب بس بالثانوية الجديدة عدا عن بيولوجيا 10 وحدات وبقية التخصصات العلمية
تاسع ج - 21/07/2013
9
سمعنا كثير انو معلمين من الشاملة بدهم ينتقلوا شرق على الثانوية الجديدة لانهم زهقوا الوضع بالشاملة واللي راح يظل بس القدامى القدامى عشان هيك افضل لنا على الثانوية الجديدة
هجرة معلمين - 21/07/2013
10
الى رقم 5. اعلم يا أخي أن القانون مع السلطة المحلية אזורי רישום أعتقد انه لا فائدة من المحاكم والقضاء خسارة على الوقت. وثانيا أنا بنتي تعلمت بالثانوية الجديدة على مدار سنتين والحمد لله الوضع أحسن من ممتاز ولليش أخلي بنتي الثانية تروح غرب على الشاملة لأني بأنساش الحشاد والنقل وانفضحنا في البلاد وعليش قاتلين حالنا غرب لانو معلم معين والكل بيعرفه استلم التلفونات وبلش يتصل على الأهالي ويقنعهم ييجوا يسجلوا غرب وانا قلت له بالحرف الواحد اتق الله وحرام عليك تضلل الطلاب وتوسخ سمعة مدرسة أحسن منك لانو هذا الاستاذ وغيروا خربوا كثير أجيالظ الرجاء النشر
أ ب حريص على ابنته - 21/07/2013
11
انا سجلت هندسة حاسوب بالثانوية الجديدة يعني هلقيت باقدرش اروح عليها؟ يا الثانوية الجديدة يا قعاد في الدار
من مدرسة الحياة - 21/07/2013
12
كيف بيقولو في المجلس تحت أحسن وبعدها بيقولو ممنوع ان سند فوق والمدرسة فوق بتحاول تسرق أحسن استادية أسمعت انو معلمة ايمان وهاني ونهاية ووائل ورائد ووووو شو هالقصة هاذ بسرق طلاب وهاذ بسرق معلمين شششششو ههههاذ
السؤال - 21/07/2013
13
قصة غريبة احنا اقنعونا المعلمين تحت انو فوق فش تخصص. ولا معلمين ملاح ولا مجين يعني للي المجلس ميشان السياسة البلدية بترضي في المدير عدنان ميشان يرد علي ويقنع الولاد يروحو فوق
طالب - 21/07/2013
14
في شك كبير أنك معلم مدرسة. واذا كنت بالفعل معلم مدرسة فالمصيبة أكبر. لأنك على ما يبدو لا تعلم ولا تفقه بما يسمى مناطق التسجيل حسب وزارة المعارف. هذا هو المتبع في تل ابيب وبيتح تكفا وغيرها. بالنسبة لتقسيم الطلاب أنا مع هذه الخطوة ومع بيان البلدية والمدراء لأنو الثانوية الجديدة على مستوى عال جدا والثانوية الشاملة استعادت عافيتها والحمد لله. والمدرستين خير كبير لمدينتنا ان شاء الله. فلا يجوز ان يقوم البعض بتضليل الطلاب والاتصال على البيوت وافهامهم بشكل كاذب ان التخصصات الموجودة بالشاملة لا مثيل لها بالعالم. مع العلم وللحق والحق أن تخصصات الثانوية الجديدة أرقى وأعلى من التخصصات القديمة الموجودة بالشاملة منذ عشرات السنين. الله يوفق طلابنا ويوفق الثانوية الشاملة والجديدة الى الخير
الى رقم 5 - 21/07/2013
15
روح لحالك على الشاملة ولا تتكلم باسم الأهل والطلاب. ربما أنك أحد معلمين الشاملة اللي روجوا الأفكار الكاذبة. اتق ربك وكفى تضليل لأبنائنا. أنا بنتي في البداية سجلت غربة بالشاملة لأنو اتصلوا علينا من الشاملة وحكولنا انو في صف مخصوص بس للشطار وله ميزانية خاصة. انا توجهت بعدها للثانوية الجديدة جنب ابن سينا وفهمت صورة ثانية وشفت انو في تخصصات علمية موش موجودة بالثانوية القديمة ان باشكر البلدية على هذا القرار ورايحة بكرا اسجل بالثانوية الجديدة
الى رقم 7 - من أم طالبة من ابن سينا - 21/07/2013
16
جميع اللي سجلوا بالثانوية القديمة راحوا يرمحوا مشان يطولوا الطريق ها ها ه اها ها ها ها ها
التاسع ب ابن سينا - 21/07/2013
17
نصيحتي لكل العواشر الجدد ان يسجلوا فقط بالثانوية الجديدة لانها مدرسة على مستوى جامعة
بس الثانوية الجديدة - الحادي عشر ب - 21/07/2013
18
انا بافتخر بالثانوية الجديدة لانها ارقى المدارس
الثانوية الجديدة - طالبة بالمدرسة - 21/07/2013
19
اكيد انت دخلت الثانوية القديمة والثانوية الجديدة بامتحانات التصنيف وأكيد انك شفت شو الفرق بين المدرستين من حيث المعاملة وجو التعليم. أكيد أنك اقتنعت انها الثانوية الجديدة هي الأفضل. مين حكالك انو فش فيها تخصصات. أنا باتعلم تخصص الكترونيكا وبقية التخصصات هي: هندسة حاسوب وفرع البيولوجيا والكيمياء وفرع البيئة وفرع التغذية والفيزياء وشو كمان بدك تخصصات. لا تصدق الدعايات الكاذبة. لانو الناس الفاشلين سلاحهم الضعيف هو الكذب والكذب حبله قصير
الى رقم 4 - طالبة بالثانوية الجديدة 11 أ - 21/07/2013
20
انا سمعت انو احسن معلمين بدهم ينتقلوا على الثانوية الجديدة مثل الأستاذ هاني العوض والاستاذ مداح عيسى والمعلمة لينا والاستاذ حسن والاستاذ وائل أكيد هذولا موش عبث انتقلوا على الثانوية الجديدة عشان بدي الثانوية الجديدة
هل صحيح - 21/07/2013
21
يعني بالقوة انا بدي اودي ابني تحت أحسن انا حرة وخلص عيب عليكم ميشان السياسة بدكم تتحكموا فينا
ام ولد - 22/07/2013
22
المعلمون الذين انتقلوا الى المدرسة الجديدة هم من لم يستطيعوا التكيف مع الوضع الجديد غالبا لفشلهم وشعورهم باهم قادة المدرسة وفوق المدير
الى رفم 9 - 22/07/2013
23
ههههه قال احسن معلمين انتقلوا ههههههه نكته قصدك افشل معلمين الي مكنوش يعلموا درسين في الاسبوع مثل **** العوض وغيروا اللي ببينوش في المدرسة
محمد - 22/07/2013
24
اسف ان اقول انه وصل الامر بنا الى هذا المضيق الضيق الغير لائق لمدارسنا ولا لمعلمينا وهذه نصيحه اذهب وتقصى الحقائق بدون مزايدة ولا تعالي كل مدارسنا بخير وستبقى بخير بكل كوادرها وطواقمها واداراتها الرائعة والتي ان تنافست ما هي الا مساقات نحو الافضل لابنائنا انا علمت في المدرستين واظن انني واعية لما اقول واكيدة باني صادقة في التعبير التخصصات والتعليم والنتائج في المدرستين تبشر بمستقبل باهر وعظيم لذلك اخوتي وأخواتي وأبنائي الطلبة عليكم ان تعو بان التقسيم لمصلحة وراحتكم اولا واخيرا فلا تجعلوا من الموضوع مشادات ومزاحمات نحن بالغنى عنها
معلمة - 22/07/2013
25
يا عمي هي بالغصب المدرسة تحت أحسن وبدي اروح هناك وبلطوا البحر
تعاليق زائفة - 22/07/2013
26
يعني احترت حابب اعرف في المدرسة فوق في مجين ولا لع أسمعت انو فش
شو يا ناس - 22/07/2013
27
انا اصحابي بيسألوني عن المدرسة بيقولولي بدهم ييجوا تحت وأخذوا موافقات وقالوا بدهم يفتحولهم صفوف وهالكيت اتصلوا قالوا انو تحت قالولهم تعالوا عنا كيف هل لقصة عنجد حيرتونا وانا احكيت معهم موش عارفين شو صاير العبتو فيهم يا ويلكو من الله
طالب - 22/07/2013
28
اتقوا الله فينا خلقة تعبانين شو وين بنا أنروح بتلعبوا فينا شمال ويمين فوق وتحت
حراااام - 22/07/2013
29
انا اتصلت تحت امبارح قالولي ان شاء الله يعني هالكيت بطلوا
يعني وين اروح - 22/07/2013
30
الأن ثبت الكذب اللي اخترعوا بعض المعلمين من الثانوية الشاملة
طالب عرف الحقيقة - 22/07/2013
31
في استاذ بديش اقول اسمه بعلم بالشاملة كان يتصل على الطلاب الشاطرين أول 60 المتفوقين من مدرسة ابن سينا وصار يقنع فينا انو الثانوية الجديدة فش فيها تخصصات لكن هذا الكلام طلع غير صحيح بل بالعكس ثبت انو المدرسة الثانوية الجديدة فيها تخصص الكترونيكا وكيمياء وبيولوجيا وفيزياء وكمان هندسة كمبيوتر انا باستغرب من تصرف المعلم اللي اتصل
طالبة من مدرسة ابن سينا - 22/07/2013
32
ما دام المدراء والبلدية قرروا اكيد هذا اشي مليح
قرار سليم - 22/07/2013
33
انا باستغرب انو المدير اياد عامر استقبلنا للتسجيل عنده بعد ما اتصلوا فينا من الشاملة تعالوا سجلوا والان قرروا المدراء والمجلس وقسم المعارف هذا القرار
ليش الاستاذ اياد رحب فينا - 22/07/2013
34
جواب لرقم 4 . لانهم ضحكوا علينا وكذبوا علينا الله يسامحهم
الى رقم 4 - 22/07/2013
35
انا وين ما يروح الاستاذ هاني انا وراه وانا سمعت انو انتقل على الثانوية الجديدة لانها مدرسة على مستوى
طالبة من ابن سينا - 22/07/2013
36
انتو متعلمتوش من اللي صار بالثانوية الشاملة موش زمان؟؟؟؟؟؟ للأسف امين الشناعة مسكين هو كان الضحية لكن بقية المعلمين التعبانين هم اللي ما زالوا بحاولوا يخربوا في هالاجيال. وهذولا الطلاب المساكين أبرياء ما في عليهم ملامة لانهم ضحكوا عليهم وعملوا لهم غسيل دماغ مرة ما فش مجين بالثانوية الجديدة ومرة مفش معلمين ومرة مفش بحر ومرة مفش محلات البركة اتقوا الله وبكفي تضليل في هالطلاب
يا جماعة - 22/07/2013
37
انا لحد هالكيت منيش عارف تخصصي طالب من المدرسة تحت ليش ما بيعملوا اجتماعات
طالب - 22/07/2013
38
بعرف انو بتقاتلوا على مناصب اما هذه قصة جديدة بتقاتلوا على الأولاد
شو صاير - 22/07/2013
39
مدرستنا احلى مدرسة فيها أحسن معلمين وأحسن تخصصات وبنجيب علامات عالية في البجروت وفش عنا نقل وتعالوا وشوفو وبدون حكي فاضي
لا يصح الا الصحيح - 22/07/2013
40
اتقوا الله يا جماعه بتحكوا عنا وكانه موش من البلد احنا معلمين معانا شهادات وبنعلم على أحسن وجه واسالوا الأولاد الي ليتعلموا عنا
معلمة - 22/07/2013
41
قالوا اصحاب المدراء وفي بينهم اتفاق وامتحانات اموحدة وانا عارف شو طلع افتراق وحرب وسرقة وانا عارف شو
شو صار الحكي وحدة واتفاق - 22/07/2013
42
كلمة لمدير مدرستنا احنا عنا احلا مدرسة ولا بدو ييجي اهلا وسهلا ولا بدوش هو خسران مع السلامة
مليحة - 22/07/2013
43
انا ابو مقتنع في اياد وبدي اودي ابني غربة ولا موش معجبو هي الموجود
انا ابو وحر وفش حده بيجبرني - 22/07/2013
44
طالب بدوي ومن اشطر الطلاب بابن سينا - 22/07/2013
45
طالب بدوي ومن اشطر الطلاب بابن سينا - 22/07/2013
46
حسب قانون التعليم هو المناطق السكنية. في حالة عدم توفر مدارس في بلدة ما يحق للطالب اختيار المدرسة التي يريدها. لكن في حالة وجود مدارس يكون النظام حسب قانون التعليم في الدولة وفق المناطق السكنية. لذلك على طلاب مدرسة الحياة التعليم بالثانوية الشاملة وطلاب ابن سينا يتعلموا بالثانوية الجديدة والله ولي التوفيق
אזורי רישום - 22/07/2013
47
اللي بلش بالفتنة هو بعض الاساتزة من الثانوية الشاملة بدؤؤا يحرضوا الطلاب ضد الثانوية الجديدة وهذا حرام حرام لانو كل كلامهم كذب
الفتنة نائمة لعن الله موقظها - 22/07/2013
48
לאנו לנאס ונאס חסארה עלא אלוקת
טאלב תאסע ב - 22/07/2013
49
هل استطيع التسجيل لهندسة الحاسوب بالثانوية الجديدة ارجو الاجابة من المسءولين وشكرا
طالب من مدرسة الحياة - 23/07/2013
50
بعد الذي حصل من عدم اتفاق وتخبطات في الارء بالنسبه لموضوع تصنيف الطلاب ومن ثم اهمية موضوع التصنيف (انه يحدد فقط عدد الوحات ولا يدرج الطالب) وكذالك موضوع تقسيم الطلاب على المدرستين بانه لم يكن متساوي وايضاً موضوع اتصال بعض المعلمين من المدرسه الشامله بطلاب من مدرسة ابن سينا المتفوقين للانضمام اليها ، فانا اطالب المسؤول عن قسم المعارف بالتنازل عن منصبه لانه ليس كفؤا لهذا المنصب ولانه لا يعرف ما يحصل من تحته ، ناهيك عما يحدث في مدارس اخرى واقول للرئيس وللمسؤول عن قسم المعارف اذاً اردتم ان تاكلوا مالاً حلالاً فاعترفوا باغلاطكم وتنحوا عن مناصبكم وجزاكم الله خير. اما بالنسبه للاهل فانا اريدهم وارجوهم ان يثوروا على هذا الموقف لان مصير ابناءا اهم من النزاعات التي تحدث في البلديه ومن ينتمي اليها ، يمكنكم ان تتوجهوا الى المسؤولين ولو بكلمه ليعرفوا ان ابناءنا كابناءهم وهم اهز ما نملك. اللهم قد بلغت اللهم فاشهد. اختكم في الله.
مهم - 23/07/2013
51
انصح وبصدق كل اب وام بان يرسل ابنة للمدرسة القريبة لانه اصلا فتحت المدرسة الثانوية الجديدة بسبب الضغط الي كان موجود بالشاملة ليش تغلبوا حالكم واولادكم بالمواصلات هذه مش يوم ولا اسبوع ولا شهر.
بعدين صدقوني وبـامانه انهن المدرستين اليوم بنفس المستوى والطالب الشاطر وين ما يروح ببدع... وثانيا بالنسبة للماجين اشي طبيعي ومعروف في وزارة المعارف انه اول سنتين او ثلاثة سنوات كحد اقصى بكونش لمدرسة جديدة ماجين والسنة الي جايي هيي السنة الثالثة للمدرسة يعني لما يكونوا اولادكم في صف الحادي عشر والثاني عشر ان شاء الله رايح يكون في ماجين في المدرسة ... بعدين اشي ثاني في شائعة في البلد بتقول انه مدرسة الحياة اقوى من مدرسة ابن سينا وبالتالي كمان نفس الشي بالنسبة للثانيوات الي غربة بقولو احسن من شرقه والمعلمين اقوى واقوال من هذا... ولكن بعد ما امتحن الطلاب بامتحان التصنيف نفس الامتحان للمدرستين تبين ان الشائعات كلها خاطئة لانه المستوى في ابن سينا كان رائع جدا... والمعلمين في ابن سينا مبدعين ... وكمان صدقوني المعلمين عنا روعه نصفهم منهم من المدرسة الثانوية وهم من المعلمين القديرين في البلدة والنصف الاخر من معلمين اغتربوا لسنوات في مدن قريبة ومعلمين جدد... يعني لا يعقل في مدرسة ما فيها معلمين جدد ..
اتمنى لكم التوفيق في الاختيار.. مع ان البلدية قررت...
نصيحة للاهل - معلمة - 24/07/2013
.JPG)
الاسد 
السرطان 
الجوزاء 
الثور 
القوس 
العقرب 
الميزان 
العذراء 
الحمل 
الحوت 
الدلو 
الجدي 
اضف تعقيب