شابة: شخصية زوجي الضعيفة وذكائي وجمالي وأناقتي يسببون لي المشاكل مع سلفاتي

السلام عليكم ورحمة الله وبركاته اما بعد فانا صبية متزوجة وعندي ولدين بجننو ومو ناقص علي شي ربي مكملني بكل شي بالعلم والذكاء والحسب والنسب والاخلاق وكمان انا ربي وهبني الجمال والاناقة ومشكلتي انو هالشي سبب تعاستي فانا متزوجة من رجل شخصيته ضعيفة وما بعرف الله ولا حقاني ولا بعاملني بطريقة كويسة وفوق كل هالشي عيلتو من اسؤ العائلات عندو اخوة بغارو منو لانو نسوانهن بشعات وما الهن قيمة وكل الناس بتكرهن لانهن معاملتهن سيئة مع االناس بعكسي فالكل بحبني 


صورة توضيحية
هالشي خلى نار الغيرة تقيد بقلوب سلافاتي فصارو كل يوم يألفو قصة عاطلة عني عشان يشوهو سمعتي ويا ريت خلصت الحكاية على غيرة السلافات عندي بنت حمى عانس مو متزوجة وهاي عاملة حياتي جحيم بتكون تسب علي مسبات وسخة والفاظها منحطة وانا بحياتي ما غلطت بحقها او بحق خواتها وغير هيك تضرب ولادي ةبتدعي عليهم يموتوا وينسمو بالرغم من انها معلمة بتعلم رياضيات ومربية اجيال بس على الفاضي قدام الناس ملاك وبالبيت متل الشيطان كل هاد لانها صارت بالاربعين وما تزوجت شو ذنبي اذا هي بشعة وكل الناس بتقول عنها قوية حاولت كتير اجيب الها عرسان بس الكل بعرفها وبعرف خواتها وسمعتهن سيئة والمشكلة انو انتقامها من الناس جاي فيني وبولادي وجوزي ما راضي يوقفها عند حدها انا زهقت بدي اطلق ما عدت قادرة اتحمل انا عايشة بجحيم ومو عارفة شو العمل.