شابة: مخطوبة لابن عمي وعندما بدأت بتقبله كخطيب دخل شخص آخر الى حياتي

السلام عليكم ان كتير متحيرة فقررت انه اعرض مشكلتي هون ممكن الاقي هون الحل انا صبية بتعلم بالجامعة والحمدللة شاطرة كتيير وغير هيك انا مخطوبة لابن عمتي بالبداية كنت اعتبره اخ وانا ولا مرة فكرت في كحبيب بس هو حبني وطلب يتزوجني واهلي وافقوا ومن بعدها بلشت احبه وأحس انه ممكن اكمل حياتي معو بعد الخطبة ب 5 شهور صار معي شغله وانا بالجامعة  مش عارفة كيف شفت شخص ومن اول نظرة حسييت إشي اتجاهه ممكن تقولولي هاد هبل وأبصر شو بس انا حاسة مش عارفة في اشي غرييب حسيته بس شوفت هاد الشخص ممكن يكون احساسي حب؟؟ ممكن هو يحبني؟ ممكن هيك عم بخون خطيبي الرغم انه لحد اسا بعدني محسيتش اتجاه خطيبي الحب الي حسيته اتجاه هاد الشخص مش عارفه شو ممكن اعمل انا كتيير متحيرة من جهه حبيته ومن جهه تانية انا بعرفش اشي عنه يمكن يطلع خاطب او اشي طيب وخطيبي؟؟ انا فايته بتوتر وحيرة شو اساوي؟؟ انصحوني