صبية (18 عاما): أبي يخون أمي وأجواء بيتنا متوترة ولا أستطيع التركيز بدراستي

انا صبية عمري 18 سنة، اكتشفت باخر فترة انو ابوي عم بيخون امي، وصارت كتير مشاكل واجواء بيتنا توترت ومش عم نعيش عيشة مريحة. انا وباقي اخوتي بطلنا نركز بدروسنا من كثر المشاكل والصياح الي بيصير بالبيت الفترة الأخيرة. 

انا الكبيرة وبحس اني مسؤول عن اخوتي الصغار وبحاول أهديهن واخفف عنهن واساعدهن بدروسهن ومضغوطة كتير ومش مركزة بامتحاناتي. وضعنا صعب كتير وبزيد صعوبة!! مش عارفة شو اعمل؟؟؟؟ امي كتير تعبانة ونفسيتها مدمرة وبيتنا عم ينهار قدام عيونا ومش ملاقية حدا يساعدني. شو اعمل؟ اروح عند عاملة إجتماعية؟؟ او احكي لأعمامي يلاقوا حل؟ خايفة المشكلة تكبر وبدي حل!!! ساعدوني ازا بتسمحوا