יחד לשחרר את מונדר בדיר معاً للإفراج عن منذر بدير...وين اعضاء الكنيست العرب ؟؟؟ يا عمي وينهم ؟؟

نشر على صفحة التواصل الاجتماعي التابعه لمنذر بدير هذا النداء ... ونحن بدورنا ننضم لهذا النداء وننشره لكم كما عرض من على صفحته 

יחד לשחרר את מונדר בדיר معاً للإفراج عن منذر بدير

كمان منذر بدير لا زال في السجن ينتظر ابن بلدو عضو الكنيست ظهروا وسندوا يدشر بينيت ويلتفت شوي لقضيتوا.
انا شخصيا بفضل انه الصحافة تغطي مشاكلنا الاهم من نفاقكم بتتذكرونا بس في وقت الانتخابات
او اقول لك خليها تغطي قضية منذر بدير. الاعمى المسكين اللي ارتمى في السجن سنتين فقط لانه بشكل خطر ع آمن الدولة. بتعرف ليش؟؟؟ لانه احنا عرب ٤٨ ما بنعرف نصرخ ونقول خلص لهون وبكفي نفاق زهقتونا وطفرتونا. لو منذر بدير كان يهودي كان بدال ما يسموه الاعمى اسمه صار בעל צרכים מיוחדים وكان قضية المجتمع واعضاء الكنيست والجمعيات وال وال وال אדם מוגבל יש לו זכויות بس للأسف مش يهودي ولا امريكي حيالله عربي من كفر قاسم מחבל ומסכן את ביטחון המדינה.
 

ليش برايكم؟؟؟ لانه اعضاء الكنيست مشغولين بعرب الخارج وونسيوا انه الداخل خمج وعفن .

واين بيتي قضيتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا كمان برأيي اتوحدوا بلكن لحقتوا كرسي ع جنب الباب خسارة يضلوا فاضي.

بكرة كمان جلسة في محكمة פתח תקווה والمسكين منذر رح يتشحشط في عماه وهو يتحسحس الحيطان من سجن لسجن حتى الحمام ما بيعرف يدخلوا . وبعد شخشطة ساعات لازم يوقف بكل قواة البدنيه والعقلية ويمتثل أمام المحكمة.

استحوا ع حالكم لسا بينيت بس واحد يقول أي بتلاقيهم قوموا القيامة وانت في سبات شبابنا بتنقتل وبتنحبس في تهم تهديد آمن الدولة وانتم وين يا صوتنا وينكم؟؟؟

للانضمام لهذه الصفحة :

https://www.facebook.com/pages/%D7%99%D7%97%D7%93-%D7%9C%D7%A9%D7%97%D7%A8%D7%A8-%D7%90%D7%AA-%D7%9E%D7%95%D7%A0%D7%93%D7%A8-%D7%91%D7%93%D7%99%D7%A8-%D9%85%D8%B9%D8%A7%D9%8B-%D9%84%D9%84%D8%A5%D9%81%D8%B1%D8%A7%D8%AC-%D8%B9%D9%86-%D9%85%D9%86%D8%B0%D8%B1-%D8%A8%D8%AF%D9%8A%D8%B1/701195899978142

هذا وقامت مجموعة شبابية بالتعليق على صفحة ميرتس الا ان القائمين قاموا بصد هذه التعليقات ...

يبدو انه لم يرق لهم هذا التوجه ؟!!!! ننصح الشباب ومن اجل ان يستقبلوكم ان تنضموا لحزب ميرتس من اجل سودا الانتخابات التمهيدية وزيادة الصوت العربي في الحزب فهم اليوم بامس الحاجة اليكم وخاصة مع اقتراب الانتخابات التمهيدية .... وبعد الانتخابات ان شاء الله بحلوا لكم كل مشاكلكم توكلوا على الله لانهم ان قالوا فقد صدقوا واسالوا مجرب .

ميرتس

حزب سياسي · ‏12,548‏ إعجابًا