شابّة: زوجي يقضي الليل في العمل ويرضيني بهدية ثمينة وأنا قلقة

تزوجت قبل أشهر، من شب هو حلم حياتي، مثقف وواعي وناضج، وبلبيلي كل شي بنفسي، هو كتير اشي خلوق ومحترم، بس الشغل ماخد كل حياتو. انا قبل ما اتجوزه كنت اعرف طبيعة شغله وقبلت، فكرت ممكن الاشي يتغير بعد الزواج والمسؤوليات، بس ما زبطت معي. بلشت اتذمر، لانو بخليني كل الليل لحالي، ت يروح هو من الشغل. انا متأكدة انو مش عم بتسلى وانو عليه مسؤوليات كبيرة ولازم اكون حدو واتفهمو، بس من ناحية ثاني عم بعيش بفراغ ووحدة، خصوصا بالليل. وفوق كل هاد بحاول يضحك علي او يراضيني بكلمتين حلوات وهدية غالية. بديش هدايا، بدي هو يكون حدي.