شبهات خطيرة في مجد الكروم | الاعتداء على الطالبة تالا مناع من قبل زميلاتها بعد انشاء مجموعة واتساب بعنوان (قتلة تالا)

وصل إلى موقع "كل العرب" بيان صادر عن عائلة الطالبة تالا درويش مناع أنه تم الاعتداء على ابنتهم داخل المدرسة الاعدادية محمود درويش في بلدة مجد الكروم وجاء فيه ما يلي: 

"أعوذ بالله من الشيطان الرجيم، بسم الله الرحمن الرحيم، يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ (119).
لكل من يهمه الامر ..
من أهل الطالبة تالا درويش مناع صف التاسع- التي تتعلم في المدرسة الإعدادية محمود درويش مجد الكروم، بوجب عليي كإنسان بموجب إنسانيتي أولاً بموجب ديني ثانياً وعاشراً إني أنقل موضوع وحدث في غاية الخطورة اللي ممكن يودّي بحياة بناتنا وأولادنا إذا ما قمنا بدورنا كأهل كيف لازم والتربية والوعي للتعامل والعواقب لكل تصرّف يبدر منهن ( شهدنا حوادث كثير وأدت بموت أو أذى بشراسة أكبر).
هذا ما بقول انه الحدث اللي رح أحكي عنه أقل خطورة إنما رسالتي هي لأحاول أوصّل الصورة بشكل واضح ومع صدق حتمي لإنه مهم جداً فهو دورنا كأهل أنه يقتضي علينا غرز القيم ، والمبادئ والأخلاق لدى ابنائنا، تربية صحيحة تهيء الأبناء لسلوك صحيح الذي يساعد في بناء جيل حسن الخُلق.
لا تعتذروا بالسعي على أرزاقهم...
فبئس الرزق ذلك الذي يقدم للأمة أجساما معلوفة وأخلاقا مهلهلة ضعيفة ..!!
واعلموا أن من أفضل الصدقات الجارية في هذا الزمن هي تأديبك ولدك ..!!
اللي صار كالتالي: جريمة مخططة بحرفية مُطلقه بحق بنتي اتفقوا عليها مجموعة بنات من عدة طبقات بذات المدرسة، وغالباً الموضوع غيرة بنات عُمريّة واللي دورنا كأهل نناقشها ونوعّي أولادنا كيفية التعامل معها ولكن التربية وطرقها متفاوتة من بيت لآخر مع الأسف ولهيك وصلنا لهون، الصبايا (عملو مجموعة واتس أب وسموه (قتلة تالا) فيه كم بنت مشتركات بالتخطيط، ببعثولها عالسناب مسبات وتهديد، بعد يومين بتكون قاعده هي وصاحبتها وحده بتهزلها شعرها عشان الباقي يهجمو عليها وبهجمو عليها بضربوها وبخربولها شعرها لدرجة بتوصل عالبيت بكون شكله وملمسه مثل الحجر، طبعا هون السؤال كيف وصل الشعر لهيك وضع؟؟؟؟؟ في مين يسأل ويهتم!!!؟، خرب شعرها بشكل كامل وفقدت الكثير منه والأذى النفسي اللي تعرضت له حجمه ما بنشرح ولا بنوصف بكلمات….
وبعد هيك مجموعه ثانية بفوتو عصفها بزتو اغراضها وبكتبو عورقة الحمد الله عالسلامة هون الاشي صار اكبر وهيئة التخطيط ما زال مستمر !!!
بنفع أسأل شو السبب وليش هيك صار !!!! واحنا كأهل شو دورنا الربّاني والإنساني!!؟؟ ومين رح يكون مسؤول عن هيك قصص هلقد كبيرة إذا ما كُنّا إحنا !؟؟
الحق رح نوخذه ورح يوصل لإنه ربنا هو الحق والعدل والحمدلله إنه كلشي صار موثّق وواضح وطبعاً هنالك شهود عيان من داخل المدرسة فكل هذا بعِلاج من قِبَل الجهات المختصّه….وعلى الله فليتوكّل المؤمنون.
بس شو مع نفسيات أولادنا وأذاهن ولوينتا رح نغمّض عيوننا ونكمّل حياتنا وكأنّه شيئاً لم يكُن !!! نفرض إبنك أو بنتك اللي تعرّضوا لهيك موقف، شو بتكون ردّة فعلك ….
بتأمل هذا الحدث اللي صار مع بنتي ويمكن كان يكون مع بنتك/ابنك عبره لكل حدا فينا وانا بدوري ك اب/ام للطالبة أن يكون هناك حل جذري للعنف
وإن كان في مشكله عند اي ولد او بنت نعالجها مش عيب ومش حرام بالعكس لازم بدورنا كأهل أن نتوجه لناس متخصصة نعالج مشاكل ولادنا او نداويهن احنا في بيتنا نتفضى شوي لاولادنا نحن عليهن ونتناقش معهن نفهم شو بدور براسهن بتفكيرهم لحتى ما نوصل لهذا الوضع لانو ما بدنا غير انو ربنا يصلح الحال لأفضل حال
شغلة مهمه جداً لازم اطرق لها، لكل العائلات اللي بنتها كانت مشتركة بالحدث او تواصلو معهم الشوؤن او قسم التحقيقات لجيل تحت سن ال ١٨ في الشرطة وفي منهن عائلات اللي تواصلت معنا قبل التحقيقات عشان تتأسف وتستنكر او بعثو رساله إعتذار ولحد هاي اللحظه ما غلطنا بحقهن وتعاملنا معهن باحترام لأنو تربينا عالاحترام وما نتعدى ولا نغلط بحق غيرنا وهذا لا يعني انو منسكت عن حقنا مشكورين جداً على اهتمامكم وتاسفكو
ولكن المعذره منكم الموضوع ما بنحل لا بكلمة آسف ولا بفنجان قهوة لانو حالات مثل هيك علاجها اخصائية نفسية سلوكية للأطفال وعامل اجتماعي
والشؤون والشرطة هني بقررو وحسب التحليلات اللي يخضع لها قسم من الطالبات اللي بحاجه لهذا العلاج وهاي شغلة مهمه لمصلحة ابنائكو مافيها خجل عشان ابني او بنتي او ابنك او بنتك يتعالج وين لازم عشان يتعامل بطريقة صح للمستقبل
ولكل الاهالي اللي بيحاولو يبرروا او يدافعو عن ابنائهن دفاع اعمى عن طريق الوسائل الاجتماعية منتمنى انو يحاسبوا ضميرهن ويراجعو أنفسهم ويقعدو مع بنتهن في البيت وتصارحهن بالحقيقة عشان يعرفو ان الله حق
واقل ما فيها يحطوا نفسهن محلنا وبنفس موقفنا ويشعرو بحجم الأذى
وبالنسبه لصفحات الوسائل الاجتماعية اللي بتنشر عن الخبر مع تضخيم أو تقليل من اللي صار في ساحة المدرسة هاد شأنهن وصفحتهن الخاصة وما بتمثلني
وأي صفحة حابه تنشر الخبر لتوعية الجيل القادم بقدرو ينشرو الخبر اللي بأسم العائله مش غلط ولازم لانو القضية اصلاً صارت قضية رأي عام وتخص كل بيت فينا ومش بس بيتي انا
وللتوضيح انا غير مسؤول عن أي شخص انو يدافع عني أو يتهم اي عائله لانو كل بنت اشتركت معروف اسمها وما بدنا لا تبرير ولا استنكار كل شيئ موثق ...
لا تغفلوا عن أولادكم ..
الأولاد يكبرون جسما ويصغرون دينا..
يأكلون طعاما ويجوعون حبا و تربية و أخلاقا ..!!
والزمان الآن لم يعد كسابقه ..
في اليوم الذي تغفل فيه عن ولدك
يهجم على عقله ألف فكرة خاطئة
وعلى عينيه ألف ألف مقطع سيئ
وعلى وقته ألف ألف شاغل وشاغل بالشر عن الخير....
فكيف بمن يغيبون عن أولادهم شهورا ودهورا؟!!
أيها الآباء لا حاجة لأولادكم في الثوب الجديد أو المصروف الكبير أو الميراث الوفير إذا لم تؤسسه بحضورك على حب الله ومراقبته وتكتشف مواطن الخير فيه فتتعهدها وتنميها وتعرف مكامن الشر في نفسه فتنتزعها وتنقيها..
ولا تعتذروا فللرجال بصمات وللنساء لمسات...
ولا غنى للولد عن كليهما.
لا تعتذروا بالسعي على أرزاقهم...
فبئس الرزق ذلك الذي يقدم للأمة أجساما معلوفة وأخلاقا مهلهلة ضعيفة ..!!
واعلم أن من أفضل الصدقات الجارية في هذا الزمن
هي تأديبك ولدك ..!!
بدنا دعم لجيل صاعد يتربى على قيم وأخلاق عالية
اليوم بنتك او ابنك وقع بمشكلة من استهتار وقلة تربية في البيت مش غلط انك تراجع وتحاسب نفسك وتربية ع الصح عشان يكون مثال لغيرو من الاجيال
وبتمنى من هيئة المدرسة الاعدادية ومديرها وكل طاقم المعلمين المحترمين انو يكون في نواب وعريف على الاقل كيف كان زمان يتواجد في الساحة والفرصة عشان يراقب سلوك الطلاب ويكون في مراقبة وتشديدات لمصلحة ابنائنا
وبتأمل من الجميع اللي بقرأ المنشور وحابب يعلق في أي صفحه يكون تعليق إيجابي لمصلحة الطلاب وللتوعية والتوجيه وما يجرح أي عائلة او بنت كانت مشتركه بالحدث
والله يصلح الحال
وحسبنا الله لا اله الا هو عليه توكلنا وهو رب العرش العظيم".